పసిడి పండిన భూమి మిసిమి నగవుగోల్పోయి
నడిరాతిరి తిమిరంలో నల్ల దొరల పాలాయె
రతనాలను రాశులుగాపోసిన గతవైభవమంతా
పరదేశ బాంకుల్లో బందీగా స్థిరబడిపోయె
బానిసల వారసులుగా పుట్టి
భరతమాత ఒడిలో పెరిగి
భారమైన మనుగడతో రోసిల్లి
బ్రతుకు తెరువుకై వలస వెళ్ళి
దిక్కు తెలియని చోట కష్టాలు పడుతూ
దినదిన గండంగా రోజులు గడుపుతూ
దినారాల చాటున దు:ఖాన్ని దిగమింగుతూ
దరిజేరలేని తనవాళ్ళ తలపులలో నలిగిపోతూ
ఎన్నాళ్ళీ ఒంటరి పయనం నేస్తం
ఎప్పుడొస్తుందీజీవితాల్లో వసంతం...
