అవసరాల అల్లికే అనుబంధమా....

ఎన్నో ఆశలు ఎన్నెన్నో అవరోధాలు
కన్ను తెరిచింది మొదలు
ఆక్రందనలు ఆవేశాలు ఆరాటాలు
అపురూప అనుభూతుల జ్ఞాపకాలు

అక్కరకు రాని చుట్టరికాలు
అక్కునజేర్చుకునే స్నేహాలు
ఒకరికొకరు దూరమయ్యే గడియలు
ఓర్చుకోలేని బాధలు

కన్నీటి  కడలిలో ప్రయాణం   
కలతల అలల కర్మయోగం
కనిపెంచిన వారి తాపత్రయం
కాటికి చేరే వరకు తీరని దాహం

అవసరాల అల్లికే అనుబంధమా
అవని రంగస్థలం పై అంధుల నాటకమా