ఓదార్చలేదు... ఒడిచేర్చుకోదు..

కళ్ళముందు నీ రూపం కరాళనృత్యం చేస్తోంది
పిడికెడు గుండెలో ఎగసిపడే రుథిర కెరటంలా
తలచి వగచే నా మది తిరిగిరానంటోంది
నీ జ్ఞాపకాల వలలో చిక్కి, కపోతంలా... 

పగలేదో రెయేదో ఈ ఎడరి రహదారిలో
కలయేదో నిజమేదో నీ తలపుల తిమిరంలో
రాగాలకు అనురాగాలకు చోటెక్కడ ఒంటరి పయనంలో
రవి కిరణం జాడెక్కడ గతితప్పిన జీవితంలో

అల ఎంత ఆరాటపడినా గగనాన్ని తాకలేదు
దిశ తెలియని పరుగు దరిని చేర్చలెదు
కొడిగట్టిన దీపం వెలుగు పంచలేదు
నలుగుతున్న నామనసును ఏ పలుకూ ఓదార్చలేదు... ఒడిచేర్చుకోదు..