చిరునవ్వుల చినుకు ....

మేఘాల అలలపై సాగిపోదామా...
మెరుపు తీగల ఊయలలూగుతూ తేలిపోదామా...
నేలనుచేరే చినికుతో కలిసి తడిసిపోదామా...
గాలి తెమ్మెరలు తాకుతూంటె మురిసిపోదామా...మై పరచిపోదామా...

చిటపటల సవ్వడి చెవితాకుతూంటే
తుంపరల తడి గిలిగింతలు పెడుతూవుంటే
తెలియని ఆనందమేదో తనువంతా తడిముతోంది...
మృత్తిక పరిమళం ముక్కుపుటలు తాకుతోంది...

గ్రీష్మ తాపానికి తల్లడిల్లిన అవని
శీతల సమీరంలో సేదదీరుతోంది...
వడదెబ్బలకు వణికిపోయిన జన సందోహం
వర్షపు జడిలో జలకాలాడుతోంది...

కన్నెర్రజేసిన కిరణమాలి కాస్సేపైనా కనుమరుగయ్యాడు...
ఇంకెతతసేపులే మీ ఆనందమని వెక్కిరిస్తున్నాడు....